营业时间：12:00-14:30;18:00-22:00
附近地标：东方时代广场, 东方宾馆, 中国大酒店商业大厦
商户简介：因为BF生日，揾黎揾去决定去中酒，价钱同出品算消费得起。虽然白天鹅同埋花园先系理想目标，但系真系负担唔起～～中酒夜晚自助餐系258+15%，生日好似系4位送1位，听讲工行金卡有折～但系两个人撑台脚都系原价啦～出品有冰鲜：长脚蟹（唔够新鲜好吃），虾（应该唔系海虾），大大只嘅生蚝（算几肥 美，我好中意，但系BF话顶唔顺D腥渴味，），翡翠螺（有沙），青口（OK咯）刺身：三文鱼（原条切，所以有D肥有D靓，唔算厚切，一般厚度，味道OK～好吃过好多寿司店），吞拿鱼（薄切，连刀，口感一般），北极贝，八爪鱼，斋鲍鱼，同埋虾（D虾好鲜甜，I like it）扒类：短骨扒（一般，有D肥），羊排（OK，不过唔知点解有阵药味，可能系香料）西冷扒，牛柳，鸡扒，龙脷，仓鱼。。。。。唔记得添。。其他熟食有：牛膝骨（烧得几好～），香草焗蜗牛（D蜗牛除左壳，几香，不过都系中意有薯泥果种），薄撑，葡挞，炒饭，卤水牛仔肉（依个本人比较推荐），炆牛腩。。。。又系唔记得啦。。沙律：我中意嘅鱼肉沙律，唔中意嘅螺丝粉沙律，中意嘅鱼子酱蟹籽沙律，唔中意嘅腌肉沙律。。。当然仲有甜品啦：芒果布甸最正，仲有好特别嘅红桑特饮，好浓郁嘅椰子蓉，好得意嘅栗子蓉XXQQ蛋糕（个名唔记得添，杯装嘅）~~虽然有汽水提供，但系我都系选择冰水～可以清洁食物味道之余，唔会俾二氧化碳占据胃部。。果度有外籍歌手表演，三个大男人，两把吉他，一把大提琴～佢地好多歌都识嘅～我点BETTER MAN都识～好犀利啊～ 埋单两个人600有找，5星级饭店，出品同服务都OK～唔错唔错～推荐菜: 三文鱼 生蚝 芒果布甸标签: 自助餐 情侣约会 商务宴请 有表演 西餐
具体地址：流花路120号中国大酒店2楼(近越秀公园)